دکتۆر ڕەئوف کوڕی کوێخا عەزیزی کوێخا ڕەشیدە
خێزانەکەی ناوی گەلاوێژ محمد نوری نەوەی مەلا نووری ئیمام قاسمی کەرکوکە ، دکتۆر لە ساڵی ١٩٤٧ لە شارۆچکەی تەق تەق لەدایکبووە ، قۆناغی خوێندنی سەرەتایی و ناوەندی و ئامادەیی لە تەق تەق و کۆیە و ھەولێر تەواو کردووە .
لەساڵی ١٩٦٩ کۆلێژی ڤێرتێرنەری لەزانکۆی بەغداد تەواوکردووە .
ساڵی ١٩٧٦ لەزانکۆی لیڤەرپولی بەریتانیا ماستەری لە پزیشکی ڤیرتێرنەری وەرگرتووە ، لەساڵی ١٩٧٩ لەھەمان زانکۆ و پسپۆڕیدا لە بەریتانیا بڕوانامەی دکتۆرای بەدەستھێناوە .
دوای تەواوکردنی خوێندن لە چەندین سلک و پۆستی
جیاداجیادا خزمەتیکردووە وەک :
١- پیشەی پیرۆزی مامۆستایەتی کردووە لەپەیمانگای ڤێرتێرنەری لە بەغداد لە ساڵی ١٩٧٠
٢- بەڕێوەبەری بەیتەرەی ھەولێر بووە لە ساڵانی ١٩٧١ - ١٩٧٤
٣-مامۆستای زانکۆی موسڵ بووە لەنێوان ساڵانی ١٩٨٠-١٩٨٤
٤- بۆماوەی چوار ساڵ بەڕێوەبەر بووە لە کۆمپانیای پەلەوەری گشتی لەناوچەی کوردستان ( ھەرێمی کوردستان — عێراق) ١٩٨٤—١٩٨٨
٥- بەڕێوەبەری تاقیگەی ڤێرتێرنەری بوور لەناوچەی کوردستان ١٩٨٨ - ١٩٨٩
٦-مامۆستای زانکۆ بووە لە زانکۆی سەڵاحەدین ١٩٩١- ١٩٩٣
٧- وەک پسپۆڕ کاری کردووە لەڕێکخراوی فاو لە ساڵانی ١٩٩٧—٢٠٠٠
٨- دامەزرێنەری بنکەی خێرخوازی دکتۆر ڕەئوفە لە تەق تەق لەساڵی ٢٠٠٢—٢٠٠٣
٩- لەساڵی ٢٠٠٣ لێپرسراوی کۆمیتەی ڕیفراندۆم بووە.
لە ساڵی ٢٠١١ ڕێزلێنانی فەخری دەی جیھانی پێبەخشراوە ، ھەروەھا بنکەیەک بۆ توێژینەوەی ڤێرتێرنەری لە قەزای زاخۆ بەناوی ئەم زاتە کراوە .
بەداخەوە ئەم زاتە ماوەی تەمەنی کورت بووە (٥٩) ساڵ ژیا ، ئەو مرۆڤە خۆڕاگرە چوار ساڵ ٢٠٠٢—٢٠٠٦ بەرەنگاری نەخۆشی بۆوە دوای سێ نەشتەرگەری لەوڵاتی بەریتانیا و ئەڵمانیا ، دواجار لە شاری ھەولێر لەبەرواری ٢٠٠٦/٩/١٤ لە کاتژمێر ٢:١٠ شەو ماڵئاوایی لێکردین و دڵە گەورەکەی لەلێدان کەوت و لەگۆڕستانی بانەڕەقە بەخاک سپێردرا